اذا المراجل لبسة شماغ وعقال __-__-__-__- قل للعذارى يلبسنّ العمايم

اذا المراجل لبسة شماغ وعقال
= قل للعذارى يلبسنّ العمايم

ما عاد يفرق زول حرمه ورجال

= دام الفعايل تشبه البعض دايم

المرجله ما هيب كلمه وتنقال

= وتروح ما راحت هبوب النسايم

وإلا خشونة صوت أو رفع الأثقال

= أو رزة صدور وفعل الزلايم

ولا هي بعد مفتاح موتر وجوال

= وإلا ردى لسانن حديثه شتايم

المرجله شيمه عن القيل والقال

= رفيع نفس (ن ) حر بالجو حايم

المرجله عقلٍ وزن وزنه جبال

= ودون العقل وش فرقنا والبهايم

يا مسندي لو مايل الوقت بي مال

= يا ولد أبويه يا عظيم العزايم

يا معرب الجدين من العم والخال

= يا نخوة المفزوع وقت الهزايم

المرجله يا خوي هي طولة البال

= هي العزم هي الصبر فالظلايم

فيها الكرم عزه دله وفنجال

=فيها الكرامه عن ردى الطبع شايم

والدين لامنه خذا القلب منزل
= مشى طريق الحق وابليس نايم

ومن لا عرف ربه في طيب الحال

= لابد وقت الضيق بالهم هايم

حتى صلاتك مع جماعات ورجال

= في خيرها يا خوي نعم الغنايم

ولامن نصف ليلك قم صفي البال

= يا عظم أجرك بين ساجد وقايم

ولا من رفع ربي له كل الأعمال

= حسن الذكر لا قالو فلان صايم

وخلك شريف القصد يا طيب الفال

= سوء المقاصد فالبيوت الهدايم

واحذر تبيع النفس في درب الأنذال

= وتتبع خوي إبليس راع النمايم

النفس خيل لك إذا كنت خيّال

= ومن لا قوى نفسه قوته الهزايم

ولا صرت ما تدري لو يش أنت رجال

= والله خسارة فيك ذبح التمايم



منقووووووووووووول لعيوونكم

 

 

ولا صرت ما تدري لو يش أنت رجال

= والله خسارة فيك ذبح التمايم

صح لسان قايلها

وتسلمي يمينك عسل

ع نقلك الرائع والجديد الدايم

عساكي ع القوه يالغلا

تحياتيٍ

 

 

مشكوره على الطرح

ياغلاهم ويعطيك الف الف

عافيه ياقلبي

تحيااتي لكي

 

 

يسٍسٍلموو..’


وِدِيٌ..’